गजल

रुकुम रोल्पा भोकै हुँदा झापा अघि सर्ने कैले ?
ताप्लेजुंगको चोट माथि मल्हम पट्टी गर्ने कैले ?


नेपालगंज दन्कि राछ दासताको ज्वाला बोकी ,
कमैयालाई मुक्त गरि समानता छर्ने कैले ?

शित लहर सप्तरीको ज्यान लिने काल भयो ,
नाङ्गो आंगमा एक सरो लत्ता दिई भर्ने कैले ?

चितवनमा बोक्सि भनि ज्युदै चेली जलाईयो ,
ज्यानमारा त्यो सजायँको भागीदार पर्ने कैले ?

युवा जमात बिदेशीयो श्रमज्याला खोजि गर्दै ,
देश सिगार्न जन शक्ती समुन्द्र यो तर्ने कैले ?


सम्रचना : 5+4+4+4 = 17

मिति : 26/02/2012

साथी समिर

झापा —